വരവേല്ക്കാനായ് ശിരസ്സുയര്ത്തും
നെല്കൊടികളെ തഴുകി
കടന്നു പോകും തെക്കന് കാറ്റു -
പോലോരുനാളില് നീയെന്
മനസ്സിന് ജാലകം കടന്നെത്തി.
അന്നുനിന് ശബ്ദവീചികളെന്
കര്ണ്ണപടങ്ങളിലേഴുസ്വര-
ങ്ങള്തന് താളലയം തീര്ത്തു.
ജന്മാന്തരങ്ങളുടെ സുഹൃദം
പോല് നീയെന്നില് സൗഹൃദ-
ത്തിന് പുതുഭാവനകള് നെയ്തു.
നിനച്ചിരിക്കാത്ത നിമിഷങ്ങളില്
പറവകളെപോലെനീയെന്നില്
പറന്നിറങ്ങി സ്വപ്നങ്ങളും,
നൊമ്പരവും, സന്തോഷവും പങ്കുവച്ചു.
നിന്റെ ഓരോ കണ്ണുനീര്തുള്ളിയും
ലാവാപ്രവാഹമായെന്മാറില്
പതിക്കുന്നത് നീയറിയുന്നോ?
സൗഹൃതമെന്ന വര്ണ്ണരാജി-
യിലെ പ്രിയനിറമാകും നിനക്ക്
നീലഭ്രംശം സംഭവിക്കുന്നത്
ഞാനറിയുന്നു.
കാലപ്രവാഹത്തിലോരുനാള്
നീയെന്നരികിലെത്തുന്നതും
സ്വപ്നം കണ്ടു ഈആകാശ-
ഗംഗയും നോക്കി ഞാനിരിക്കുന്നു!
. കുളപ്പുറം ഷാജി.
